Iepa!!
5 11 2007Blog honi nolabaiteko hasiera emateko hona hemen Castillo Suarezek berrian idatzi zuen artikulua orain dela aste batzuk. Harrituta geratu nintzen. Izan ere, aurten bete dira 40 urte Che hil zutela eta oraindik bere espirituak bizirik dirau. Hala ere, eskerrak Castillori, bestela jende gutxik izango baitzuen albistearen berri.
Larrepetit
Castillo Suarez
Seme-alabak
Kubako alderdi Komunistaren Gramma egunkarian berri bitxi bat aurkitu nuen duela egun batzuk. Albistean Mario Teranen berri ematen zuten, ustez CIAren aginduz Ernesto Guevara Che hil zuen ofizialordea. Agindua zuen tiroak burura ez zuzentzeko, aurpegia itxuraldatu ez eta gorpua ezagutu ahal izan zedin. Hala egin zuen Teranek. Gainera, ez zizkion begiak itxi hil ondotik, eta begiak zabalik izan zuten hilotza.
Teranen semearen gutunaren berri ematen zuten Gramma-n. Eskerrak ematen zituen bere aitak ikusmena berreskuratu zuelako mediku kubatar batzuek egindako ebakuntzari esker. Teranek ez zuen ezer ordaindu behar izan Boliviako Santa Cruz hiriko ospitale batean -Kubak donatutakoa- egindako ebakuntzarengatik.
Chek idatzi zuen behin seme-alabak direla heriotzaren ondoren bizirik jarraitzeko moduetako bat -haren alaba Aleida Guevara March pediatra, horren adibide garbia da-, baina bitxia da bere hiltzailearen semearen baitan bizirik jarraitzea iraultzak.
Ustez Cheren gorpua dena beste sei gerrillari gehiagorekin lurperatu zuten Bolivian. Ez zuten Habanara eraman 1997ra arte. Aleida Guevarak hitz batzuk esan zituen gorpuari harrera egin ziotenean: «Gure aitaren gorpua gabe, herri honen semea da etxera bueltatu dena». 30 urte baino gehiago zituen aita ikusi gabe. Haurra zen joan egin zenean.
Harrigarria ezta?? Hemendik aurrera txoko hauxe aprobetxatuko dut irakurzaletasuna zuekin partzekatzeko.
Besterik gabe, ondo izan.
Hori da hori idazteko gogoa! Blogaren funtzionamenduaren nondik-norakoak azaldu baino lehen hementxe daukagu zure lehen aportazioa. Bikain!
Gustatu zait aukeratu duzun gaia (ez dira asko ez, irakurzaletasunaren gaia jorratzen dituzten blogak) eta gustatu zait idatzi duzun lehen bidalketa.
Hementxe uzten dizkizuet, zuri eta zure blogaren irakurle guztiei, argitaratu duzun informazioaren jatorrizko helbideak, lehena testu moduan eta bigarrena pdf moduan.
Animo eta segi horrela!!
Bihartik aurrera neure bloga osatzen lagundu beharko didazu,
bihar arte!